I vècii i boni diri dei nostri noni!!!
Sexta, 10 de Junho de 2016

E cossì se ga ndato nantra setimana, parquela semo qua nantra volta. Par copar un poco de'a nostalgia, incoi ndemo meter qua i boni dir dei nostri noni. Dopo quel che vol saver la giusta tradussion de questi dir, l'è sol domandar traverso el mio email. Alora ndemo ai nostri diri:

"Can vècio no'l ghe sbaia a la luna". - "Come san Tomaso, no'l ghe crede se no'l ghe mete el naso". - "Chi fa de so testa, paga de so borsa". - "A caval de un porsel grasso". - "Amore sensa barufa, el ghe fa la mufa". - "A paroni e a mati, no se comanda mia". - "Ari che semo apari". - "Beati i ùltimi se i primi i ga creansa". - "Brina su'l pantan, piova incoi o doman". - "Bruta come una tempesta". - "Cativa come una brespa". - "Chi dà, se sméntega; chi riceve, se ricorda". - "Chi l'è stato rè, el sarà sempre maestà". - "Chi fa el primo, paga el vino". - "Chi ga prèssia, magna crudo". - "Chi no ga mia testa, ga gambe". - "Chi guadagna, ga sempre la reson". - "Chi ride, vive depì". - "Chi sparagna, el gato magna". - "Chi va drio i altri, no riva mai par prima". - "Ciare come le mosche bianche". - "Coion ze el osel che ga s-chifo del so gnaro". - "Co l'aqua la toca el col, se impara noar". - "De note una soca la par un orso". - "De tanto ndar a'l posso, la sécia ghe perde el mànego". - "Dise sempre che la ze cota". - "Dopo del oio, tuto ghe sbrìssia". - "El can de arquanti paroni, el patisse de'a fame". - "El ga na fortuna come un can in ciesa". - "El gato broà, ga paura fin de aqua freda". - "El ghe tra a la bòcia e el ghe ciapa el balin". - "El ghe piomba i vermi". - "El malan el porta el san". - "El meio de'a festa l'è pareciarla". - " El menestro el ga perso el mànego". - "El piande i morti par ciavar i vivi". - "El pianta aio par catar su séole". - "El primo di che se va in campagna, no se fa mia formaio". - "El va farse benedir". - "El va indrio come i gàmbari". - "El vol sconder el sol co'l tamiso". - "Fin che la dura, mai paura". - "Furbo come le volpe". - "Ghe tiro a chi no vedo e ghe copo chi no credo". - "Giusto come un deo nte'l naso". - "Giusto come trè i trè i fa sei".- "Guadagna in festa, fora par la finestra". - "Indormenso co'l can, dismìssio con le puldi". . . Nantro di sevitemo con altri diri.

Ouça: Ricordi d'Itàlia, aos domingos, das 7h às 9 horas, na 91.1 Sol d'América FM.

Ouça: Mondo Talian, aos sábados das 8 às 9, na 95.9 Luz e Alegria FM

Comentários